Թուրքիան լքող քուրդ գրոհայիններին կհսկեն թուրք զինվորները և Իրաքի Քրդական ինքնավարության զինվորները: Այս մասին հաղորդում է թուրքական TGRT հեռուստաալիքը:
«Քրդական աշխատավորական կուսակցության» (PKK) պարտիզանական ուժերի՝ Թուրքիայից դուրս գալու մասին վերջնական որոշումն ընդունվեց ապրիլի 25-ին: Գրոհայինները կլքեն Թուրքիան մայիսի 8-ից և կուղևորվեն Հյուսիսային Իրաք:
Քրդերը երկիրը կլքեն 2 միջանցքով: PKK-ի պարտիզանների պահպանությունը կիրականացնեն Թուրքիայի ազգային հետախուզական կազմակերպությունը և Իրաքի Քրդական ինքնավարության զինված ուժերը: Դրա հիմնական նպատակն է կանխարգելել հնարավոր սադրանքները, որոնք կարող են ոչ միայն խոչընդոտել Թուրքիայից քրդերի հեռանալուն, այլև դադարեցնել քրդական խնդրի կարգավորման գործընթացն առհասարակ:
