«Մարդկանց հետ աշխատել ենք: Բացի այն, որ հեռուստատեսությամբ, հանդիպումների ժամանակ փորձել ենք ներկայացնել սահմանադրական փոփոխությունների նախագիծը, դրան զուգահեռ նաև տեղերում, թաղամասերում փորձել ենք մարդկանց հետ աշխատել ոչ թե այդ օրը, այլ նախորդ օրերին: Փորձել ենք բացատրել սահմանադրական փոփոխությունների կարևորության մասին»,- «Առաջին լրատվական»-ի հետ զրույցում ասաց ԱԺ ՀՀԿ խմբակցության պատգամավոր Սուքիաս Ավետիսյանը՝ անդրադառնալով քվեարկությանը գյումրեցիների՝ ակնկալվածից ավելի ակտիվ մասնակցության հանգամանքին:
Սուքիաս Ավետիսյանի գնահատմամբ՝ Գյումրիում Այո-ի կողմնակիցները 30-40 տոկոսով ավելի շատ էին, քան 2013թ. նախագահական ընտրություններին էին, և քվեարկության քաղաքացիների ակտիվությունն էլ անհամեմատ բարձր էր: Ըստ ՀՀԿ խմբակցության պատգամավորի՝ նշանակում է, որ արդեն Գյումրիում կա վստահություն իշխանությունների քայլերի նկատմամբ. «Եվ արդեն հավատ կա, որովհետև այն 23 միլիոն դոլարը, որ նախագահի անմիջական հանձնարարությամբ տրվելու է Գյումրի քաղաքին, դա ամենակարևոր խնդիրն է Գյումրիի համար: Երկրաշարժից հետո Գյումրիում երբևիցե նման մեծ գումար չէր ներդրվել հատուկ բարեկարգման համար: Այդ գումարն օգտագործվելու է փողոցների հիմնանորոգման և արտաքին լուսավորության ցանցն ամբողջությամբ փոխելու և ավելացնելու համար»,- ասում է Ս.Ավետիսյանը:
Մանրամասները՝ տեսանյութում
