ՀԱԿ խմբակցության ղեկավար Լևոն Զուրաբյանը լրագրողների հետ զրույցում նշեց, որ այսօր ՀԱԿ-ը բոյկոտել է ԱԺ նիստը, քանի որ հնարավոր չէ նստել և աշխատել նույն դահլիճում, «ժողովուրդը աներկբա «ոչ» է ասել, բայց արդյունքները իշխանությունների կողմից անխնա կերպով կեղծվեցին»:
«Եթե դուք կարծում եք, որ եթե նախապես ինչ-որ բան արվեր, հնարավոր կլիներ կանխել ընտրակեղծարարությունը, սխալվում եք: Եթե մարդասպանը գնում է դիտավորյալ սպանության, և քո ձեռքին չկան նույն զենքերը, ինքն այդ սպանությունը կարող է կատարել,- նշեց ՀԱԿ ղեկավարը: – Իշխանությունը երբ որ գնում է դիտավորյալ ընտրակեղծարարության, շատ դեպքերում դա կանխելու որևէ հնարավորություն չկա: Մեր ամբողջ ստրատեգիան այս ընթացքում եղել է այն, որ մենք ապահովենք ժողովրդի մաքսիմալ մասնակցությունը, որպեսզի դրանով մենք կարողանանք ընտրակեղծարարության մեքենան ջարդել: Փորձը ցույց տվեց, որ այդպես բավականին շատ տեղերամ ջարդվեց ընտրակեղծարարությունների մեքենան»:
«Երեկվա իմ ամբողջ օրը անցավ՝ զանգահարելով դատախազություն, ոստիկանություն և ՄԻՊ-ին, որովհետև րոպեն մեկ ահազանգ էր գալիս»,- տեղեկացրեց Լևոն Զուրաբյանը և հավելեց. «Շախմատային խաղ է: Իշխանությունն իր քայլերն է անում, մենք՝ մեր»:
Մանրամասները տեսանյութում:
