Բելգիայի՝ ընդհանուր առմամբ մոտ 160 քաղաքացիներ, ովքեր հեռակա կարգով դատապարտվել են ահաբեկչության համար կամ կասկածվում են ահաբեկչական գործունեության մեջ, թագավորության կողմից միջազգային հետախուզման մեջ են հայտնվել։ Այս մասին հայտնում է RIA Novosti-ն՝ հղում անելով երկրի դաշնային դատախազությանը։
Ավելի վաղ տեղի մամուլը հայտարարել էր, որ դատախազությունը ահաբեկչության մեջ կասկածվողների դեմ միայն այս տարի հարուցել է ավելի քան 270 գործ։ Ընդհանուր առմամբ 945 քաղաքացիների անուններ կան այն անձանց ցուցակում, ովքեր կապել են իրենց սիրիական պատերազմի հետ։
ՆԳՆ տվյալներով՝ Սիրիայից Բելգիա են վերադարձել 130 վարձկաններ, որից 855-ը Բրյուսելի Մոլենբեկ կոմունայի բնակիչներ են։
VRT հեռուստաալիքի տվյալներով՝ Բելգիայից հավաքագրված յուրաքանչյուր վարձկանի վճարում են 1000-9000 եվրո։ Առավելապես գնահատվում են ՏՏ մասնագետներն ու բուժաշխատողները։
Տարբեր գնահատականներով՝ Սիրիայում հակակառավարական ուժերի կողմից կռվում են Բելգիայի 400-500 քաղաքացիներ։ Մինչ օրս մոտ 100 բելգիացի վարձկաններ զոհվել են Սիրիայում։
