Քարդաշյանի և Քանյե Ուեսթի նորածին որդուն Twitter-ի օգտատերերն առաջարկում են անվանել Իսթոն՝ հայտնում է HollywoodLife պարբերականը։
Դեռ սեպտեմբերին Քիմը The Ellen DeGeneres Show-ի ժամանակ նշել էր, որ իրեն դուր է գալիս Իսթոն անունը, սակայն չի կարծում, որ ամուսինը համաձայն կլինի այդ ընտրության հետ:
Քիմ Քարդաշյանի ընտանիքի բոլոր անդամները ժամանակ առ ժամանակ հետաքրքրվում էին, թե ինչպես է զույգն անվանելու իրենց որդուն, սակայն Քանյե Ուեսթը կտրուկ ընդհատել էր ընտանեկան քննարկումները՝ հայտարարելով, որ երեխայի անունը նա կորոշի միայն որդուն առաջին անգամ տեսնելուց հետո:
35-ամյա Քարդաշյանի և 38-ամյա Քանյե Ուեսթի դուստրը ծնվել է 2013 թվականի հունիսին: Նրան տվել են Նորթ անունը: Այն ժամանակվանից, երբ զույգը 2014 թվականի մայիսին Իտալիայում գրանցեց ամուսնությունը, Քարդաշյանը և Ուեսթը չէին թաքցնում, որ ծրագրում են երկրորդ երեխան ունենալ:
