Վրացական Apsny.ge կայքի փոխանցմամբ, գնալով աճում է Վրաստանի քաղաքացիություն ստանալ ցանկացողների թիվը: Այս մասին հայտարարել է Վրաստանի քաղաքացիական գրանցման գործակալության փոխնախագահ Գիորգի Գաբրիելաշվիլին:
Վերջինիս տվյալներով, 2009 թվականին Վրաստանի քաղաքացիություն ստանալու հայտերի ցուցանիշով առաջատարը Ռուսաստանն է (3346), ապա հետևում են Իսրայելը (99), Ուկրաինան (60), Հունաստանը (46), ԱՄՆ-ը (45), Ղազախստանը (24):
2010 թվականին դա հետևյալ պատկերն ունի. Ռուսաստան` 5040, Իսրայել` 142, ԱՄՆ` 89, Հունաստան` 79, Իրան` 65, Հայաստան` 56, Ուկրաինա` 50: