Այսօր Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան հայտարարել է, որ ՀԱՊԿ-ն այսօր անցնում է պրակտիկ գործունեության, որը ենթադրում է նախապատրաստում կոնկրետ ճգնաժամային իրավիճակներին արձագանքմանը: Այս մասին նա ասել է` մասնակցելով «կլոր սեղանի», որը նվիրված է եղել եվրասիական տարածքում անվտանգության խնդիրներին: Այս մասին հաղորդում է RBC-ն:
«Այսօր կարևորը կազմակերպության նորմատիվ բազայի ձևավորումից հրաժարվելն է և անցումը պրակտիկ գործունեությանը, ճգնաժամային իրավիճակների առաջացման դեպքում ՀԱՊԿ-ի` մարտական կիրառմանը նախապատրաստվելուն: Մենք իրոք լիովին փոխել ենք մեր ամենօրյա գործունեության ուղղությունը»,- ասել է նա:
Նա նաև ավելացրել է, որ, այդուհանդերձ, ՀԱՊԿ-ն ամբողջությամբ չի հրաժարվել կազմակերպության հիմնական ուղղությունների մշակումից: Բորդյուժայի խոսքերով` անդամ երկրների նախագահների հրահանգով նախապատրաստվում են փաստաթղթեր, որոնք կներկայացնեն ՀԱՊԿ-ի ռազմավարությունը, ՀԱՊԿ-ի զարգացման ուղիներն ու ռազմական ծրագրավորման համակարգը:
