Կառավարության նիստում թույլատրվելու է «Մինաս Ավետիսյան» մշակութային բարեգործական հիմնա-դրամին «Արմենիա միջազգային օդանավակայաններ» ՓԲԸ-ի միջոցների հաշվին իրականացնել Գյումրի քաղաքի «Էլեկտրատեխնիկական գործարան» ՓԲԸ-ի նախկին ճաշարանի շենքում գտնվող որմնանկարները տեղափոխել և վերանորոգել:
Խոսքը «Հայաստանի Հանրապետության Շիրակի մարզպետարանի աշխատակազմ» պետական կառավարչական հիմնարկին ամրացված` Հայաստանի Հանրապետության Շիրակի մարզի պատմության և մշակույթի անշարժ հուշարձանների պետական ցուցակում ընդգրկված և պետական սեփականություն հանդիսացող «Երկանք» ու Գյումրի քաղաքի «Գալվանոմետր գործարան (Օմեգա)» փակ բաժ¬նե¬տի¬րա¬կան ընկերության շենքում գտնվող «Թել են մանում» որմնանկարների մասին է, որոնք հետ կվերցվեն և կանցեն մշակույթի նախարարության հաշվեկշիռ:
«Երկանք» որմնանկարը կտեղափոխվի «Զվարթնոց» օդանավակայանի նախագահական համալիր, իսկ Գյումրի քաղաքի «Թել են մանում» որմնանկարը` «Զվարթնոց» օդանավակայանի նոր ուղևորային համալիրի մեկնման սրահ:
