Մեծ Բրիտանիայի վարչապետ Դևիդ Քեմերոնը Թուրքիայի և Ռուսաստանի իշխանություններին անմիջական հաղորդակցության կոչ է արել ռուսական Սու-24 ռմբարկուի կործանումից հետո: Այս մասին հաղորդում է Sky News-ը:
Մեծ Բրիտանիայի կառավարության մամլո քարտուղարի խոսքերով` Թուրքիայի վարչապետ Ահմեդ Դավութօղլուն մոտ 10 րոպե հեռախոսազրույց է ունեցել բրիտանացի գործընկերոջ հետ:
«Քեմերոնը Թուրքիայի վարչապետին կոչ է արել համոզվել, որ Թուրքիայի ու Ռուսաստանի միջև ուղիղ կապ կա»,- ընդգծել է մամլո քարտուղարը:
Երեքշաբթի օրը ռուսական Սու-24 ինքնաթիռը կործանվել է Սիրիայում: Ռուսաստանի նախագահ Վլադիմիր Պուտինը հայտնել է, որ ինքնաթիռին հարվածել են «օդ-օդ» տեսակի հրթիռով թուրքական F-16 ինքնաթիռից, և այն ընկել է Սիրիայի տարածքում` Թուրքիայի հետ սահմանից 4 կմ հեռավորությամբ:
