Այսօր ԱԺ պաշտպանության, ազգային անվտանգության և ներքին գործերի մշտական հանձնաժողովի նախաձեռնել էր խորհրդարանական լսումներ «ՀՀ-ում նախազորակոչային պատրաստության և զորակոչի կազմակերպման խնդիրները» թեմայով: Լսումներին ներկա ՀՀ ԶՈՒ գլխավոր շտաբի պետի տեղակալ Մովսես Հակոբյանը նշել է, որ մտահոգիչ է դեռևս չկցագրված զորակոչման ենթակա 18-27 տարեկան քաղաքացիների թիվը՝ շուրջ 31 480 մարդ: 2013-ի գարնանային զորակոչի ժամանակ զորակոչվել է 9426, 2014-ին՝ 8217, իսկ 2015-ին՝ 7269 զինապարտ: Այս պահին 6023 հոգի գտնվում են հետախուզման մեջ:
Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն էլ մի քանի համակարագային առաջարկություններ արեց: Նա նշեց, որ անցած հինգ տարիների ընթացքում Վանաձորի գրասենյակ դիմել է 255 զորակոչիկ, որից 168-ը առողջական խնդրիներով:
Իրավապաշտպանի խոսքով՝ հիվանդության պիտանելիության սահմանափակման միջակայքն է շատ սուբյեկտիվ ընտրված: Ավելին՝ կրկնակի բժշկական զննությունը պետք է պատշաճ անցկացվի:
Սաքունցը նշեց, որ առանձին մարզերում բուժզննության հնարավորություններ չկան, ուր պետք է գնա զորակոչիկը, տեղափոխում են հիվանդանոց, ինչը ճանապարհածախս է ենթադրում, դրա համար էլ շատ դեպքերում չի եկել:
«Զինվոր» հասարակական կազմակերպությունների համակարգող խորհրդի նախագահ Մարգարիտա Խաչատրյանը նշեց, որ համակարգող խորհրդի աշխատանքի շնորհիվ այս տարի 23 զինծառայողներ զորացրվել են:
2015-ի զորակոչի ժամանակ ՊՆ հանրային խորհրդի կողմից ներկայացվել է 142 միջոնդագիր կրկնակի հետազոտությունների համար, որից 28-իւ հետ կապված որոշում է փոխվել, 116-ից 24-ը երեք անգամ ուղարկվել են լրացուցիչ փորձաքննության, որից հետո պիտանելի ճանաչվելուց հետո խուսափել են, իսկ 85-ին զորակոչվել են ԶՈՒ:
