ԴԱԻՇ-ի կողմնակիցների թվի աճն ու նրանց վերջին ահաբեկչական ակտերը կարող են հանգեցնել «Ալ-Քաիդա»-ի կողմից գրոհների թվի աճի: Այս մասին գրում է The Wall Street Journal թերթը:
«Այժմ «Ալ-Քաիդա»-ն թուլացած է, այնպես որ՝ նրանք պետք է նոր գործողություններ կազմակերպեն իրենց հետևորդներին հիշեցնելու համար, որ իրենք դեռ գոյություն ունեն»,- ասել է փորձագետ Հասան Աբու Խանիան: Նա հավելել է, որ ներկայումս ԴԱԻՇ-ը և «Ալ-Քաիդա»-ն յուրատեսակ մրցարշավ են կազմակերպում «ջիհադում առաջնորդության» համար:
Նշվում է, որ վերջին տարում «Ալ-Քաիդա»-ի կողմից կռվող զգալի թվով սուննի գրոհայիններ հարել են ԴԱԻՇ-ին: Այս տարվա մայիսին «Ալ-Քաիդա»-ի ջոկատներից մեկի հրամանատարը ևս անցել է ԴԱԻՇ-ի կողմը: 2 ամիս առաջ Նիգերիայից «Բոկո Հարամ» ահաբեկչական խմբավորումը ընդգրկվել է ԴԱԻՇ-ի կազմում:
Ըստ հոդվածագրի՝ Մալիի Radisson Blu հյուրանոցի վրա հարձակումը կարելի է որակել որպես իր մասին հիշեցնելու «Ալ-Քաիդայի» փորձ: