Ռուսաստանը ՄԱԿ-ի ԱԽ-ում ահաբեկչության, առաջին հերթին՝ ԴԱԻՇ-ի դեմ պայքարում ջանքերի կոորդինացիայի վերաբերյալ բանաձևի նորացված նախագիծ է մտցրել: Այս մասին հայտնում է TASS-ը՝ հղում անելով ՄԱԿ-ում ՌԴ մշտական ներկայացուցիչ Վիտալի Չուրկինին:
Չուրկինը նշել է, որ բանաձևի նոր նախագիծն ուշադրությունը կոնտրոնացնում է ԴԱԻՇ-ի դեմ համատեղ գործողությունների անհրաժեշտության վրա, նաև փնտրելու և պատասխանատվության ենթարկելու վրա նրանց, ովքեր ահաբեկչություն են իրագործում: Նա նաև նշել է, որ փաստաթուղթը ձևակերպում է ինքնապաշտպանության հասկացությունը՝ հղում անելով ՄԱԿ-ի Կանոնադրության 51-րդ հոդվածին:
Միաժամանակ, Չուրկինը հաստատել է, որ փաստաթղթում մնացել է այն երկրների իշխանությունների հետ գործողությունները կոորդինացնելու անհրաժեշտության մասին կետը, որոնց տարածքում անցկացվում են ռազմական գործողությունները:
Չուրկինը նաև հայտնել է, որ բանաձևի նախագիծը պատրաստվել է ֆրանսիացի դիվանագետների հետ խորհրդակցությամբ: