Բրիտանական Gigaclear ընկերությունը թեստային ռեժիմով սկսել է բաժանորդների միացնել հինգերորդ սերնդի գերարագ լայնաշերտ ցանցի (5G): Այս մասին հաղորդվում է օպերատորի կայքում:
Gigaclear-ի տեղեկությամբ՝ իր ցանցում տվյալների ներբեռնման արագությունը 200 անգամ գերազանցում է Բրիտանիայում միջին ցուցանիշերը, օրինակ՝ մեկուկես գիգաբայթ մեծությամբ տեսանյութի ներբեռնումը մոտ 6 վայրկյան կտեևի (դա համապատասխանում է 200 մեգաբայթ/վայրկյան միջին արագության): Նոր արագությունները փորձարկել առայժմ կարող են քիչ թվով բաժանորդներ: Նրանց մեջ են խոշոր և միջին բիզնեսի ներկայացուցիչներ, նաև մի շարք տնային տնտեսություններ Անգլիայի Օքսֆորդշիր կոմսությունում:
Օպերատորը նոր ցանցերին հաճախորդների միացումը կսկսի 2016 թ. հունվարից: Ծառայության ամսավճարը կլինի 399 ֆունտ ստերլինգ մասնավոր անձանց և 1500 ֆունտ՝ ձեռնարկատերերի համար:
