Սան Ֆրանցիսկոյից Այսիս Անչալի անունով ինժեների օգտահաշիվը Facebook-ը սխալմամբ արգելափակել է՝ ISIS (ԴԱԻՇ) հապավման հետ համընկնելու պատճառով: Այս մասին հայտնում է gazeta.ru-ն:
Աղջիկը Twitter-ում գրել է, որ որպես ապացույց՝ ընկերություն է ուղարկել իր անձնագրի լուսանկարը: Շուտով Facebook-ի ներկայացուցիչը ներողություն է խնդրել և գրել, որ օգտահաշիվը կվերականգնվի:
Նշվում է, որ սոցիալական ցանցում գործում է իրական անունների մասին կանոն, կեղծ տվյալներով օգտատերերը կարող են արգելափակվել:
Ավելացնենք, որ Isis-ը եգիպտական Իսիդա աստվածուհու անունն է: Աշխարհում այդ անվամբ շատ օբյեկտներ կան:
