Yahoo News-ի փոխանցմամբ՝ Բոլիվիայի նախագահ Էվո Մորալեսը ստիպված է եղել ներողություն խնդրել առողջապահության նախարար Արիանա Կամպերոյից՝ նրան լեսբուհի անվանելու համար։ Մորալեսն ընդգծել է, որ չի ցանկացել վիրավորել որևէ մեկին։
Դրա հետ մեկտեղ նա հայտարարել է, որ «արվամոլ» ու «լեսբուհի» բառերը չի համարում վիրավորանք. «Ո՛չ կառավարությունը, ո՛չ ես չենք առարկում մարդկանց սեռական նախապատվությունների դեմ»։
Միջադեպը գրանցվել է նոյեմբերի 16-ին՝ շտապօգնության նոր մեքենաներ ստանալու միջոցառման ժամանակ։ Ելույթի ժշամանակ Մորալեսը նկատել է, որ Կամպերոն չի լսում իրեն և այդ պահին շփվում է այլ կնոջ հետ։ Մորալեսը հայտարարել էր, թե չէր ցանկանա մտածել, որ նրանք լեսբուհիներ են։
