Մեծ Բրիտանիայի պաշտպանության նախարար Մայքլ Ֆելոնը BBC-ի եթերում հայտարարել է, որ Մեծ Բրիտանիան Փարիզի ահաբեկչություններից հետո պետք է նորից մտածի Սիրիայում ԴԱԻՇ-ի դեմ ռազմական գործողություններին մասնակցելու մասին, գրում է RIA Novosti-ն:
«Մենք նորից պետք է մտածենք այն մասին, թե ինչպես կարող ենք օգնել, որպեսզի ԴԱԻՇ-ին ավելի ուժգին հարված հասցվի, և դա անխուսափելիորեն բերում է ԴԱԻՇ-ի դիրքերին հարվածներ հասցնելու հնարավորության վերանայմանը»,- ասել է նախարարը:
«Ֆրանսիայի պայքարը դա մեր պայքարն է, և մենք պարզ հասկացրել ենք, որ այդ ահաբեկչությունները կատարվել են մեզանից երկու ժամվա հեռավորության վրա՝ մեր դռների մոտ: Նրանց պայքարը մեր պայքարն է, և մենք պետք է վերանայենք բոլոր տարբերակները, թե ինչպես կարող ենք միանալ այդ պայքարին»,- ընդգծել է Ֆելոնը:
