Ամերիկյան Cobalt ինքնաթիռաշինական ընկերությունը ներկայացրել է իր առաջին մոդելը՝ Valkyrie անվանմամբ: Հինգտեղանի ինքնաթիռը հասանելի է նախնական պատվերների համար և վաճառքի կհանվի 2017 թվականին: Այդ մասին հայտնում է Gizmag-ը, իր նյութում Cobalt Valkyrie-ի դիզայնը համեմատելով Բեթմենի մասին ֆիլմերի ինքնաթիռների հետ:
Ինքնաթիռի մշակումը շարունակվել է 10 տարի: Այն կարող է թռչել 2590 կմ հեռավորություն` ժամում 407 կմ արագությամբ (1 օդաչու և 1 ուղևոր ծանրաբեռնվածության դեպքում), սարքավորված է հավաքվող շասիով և պատվերի դեպքում կարող է ունենալ փրկարար պարաշյուտ: Խցիկում հատուկ տեղ է հատկացված iPad-ի համար: Այն արդեն արտոնագրվել է ԱՄՆ-ում թռիչքների համար, իսկ Valkyrie-X երկրորդ մոդելը դեռևս փորձարկման փուլում է:
Ինքնաթիռի գինը կազմում է 699 հազար դոլար:
