Ռուսական RIA Novosti լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը հայտարարել է, որ Թուրքիան շահագրգռված է Ռուսաստանի հետ առևտրի ծավալները պահպանելու հարցում, սակայն դրանց պոտենցիալ ընդլայնումը հանգեցնում է «հավի ու ձվի մասին» քննարկմանը։
«Այնտեղ կան սեփական խնդիրներ, սեփական հարցեր, որոնք կապված են պարզ ասած առևտրի հետ, թե որն է ավելի շուտ, հա՞վը, թե՞ ձուն։ Օրինակ սկզբում պետք է լինի «Թուրքական հոսք» գազատարի վերաբերյալ համաձայնագրի իրավական ձևակերպումը և հետո նոր թուրքական շուկա մատակարարվող մեր գազի գնի զեղչումը, թե պետք է լինի հակառակը՝ սկզբում լինի գազային զեղչը, ապա՝ իրավական ձևակերպումը։ Կողմերը փորձում են գտնել նման հարցերի լուծման տարբերակներ»,- ասել է Պուտինը։
