Անցած շաբաթ Փարիզը ցնցած ահաբեկչությունները կազմակերպվել ու ծրագրվել էին Սիրիայի տարածքից՝ հայտարարել է Ֆրանսիայի վարչապետ Մանուել Վալսը։ Այս մասին փոխանցում է RIA Novosti-ն։
«Այդ հարձակումը ծրագրվել, մտածվել և ծրագրվել է Սիրիայի տարածքից»,- ասել է Վալսը RTL ռադիոկայանի եթերում։
Վալսը հայտնել է Ֆրանսիայում և եվրոպական այլ երկրներում նոր պատրաստվող ահաբեկչությունների մասին։ «Այս սերունդը ստիպված կլինի երկար ժամանակ ապրել ահաբեկչական սպառնալիքի հետ։ Մենք պետք է ապրենք, ապրենք լիարժեք, սակայն հաշվի առնենք այդ սպառնալիքը»,- հավելել է Վալսը։
Վալսը նաև հաստատել է, որ ողջ երկրով մեկ անցկացվում են հակաահաբեկչական ռեյդեր, որոնցից շատերը ուղիղ կապված չեն Փարիզում տեղի ունեցածի հետ։
