Ռուսական RIA Novosti լրատվական գործակալության փոխանցմամբ՝ կանանց սոցիալական վիճակի բարելավումը կօգնի կանխել ահաբեկչական խմբավորումների կողմից նրանց հավաքագրումը։ Դրա մասին Անթալիայում G20-ի շրջանակներում հայտարարել է Թուրքիայի սոցիալական և ընտանեկան քաղաքականության հարցերով նախկին նախարար, Գազիանթեփի քաղաքապետ Ֆաթմա Շահինը:
«Ահաբեկչական խմբավորումները շատ ջանքեր են գործադրում տարբեր երկրներից կանանց իրենց շարքերը հավաքագրելու նպատակով։ Այդ հավաքագրումը կասեցնելու համար անհրաժեշտ է գործադրել էլ ավելի շատ ջանքեր։ Եվ մենք կանենք դա։ Ավելի շատ հավաքագրվում են այն կանայք, որոնք չունեն նյութական միջոցներ ու բավականաչափ կրթություն։ Դրա համար էլ մենք վարում ենք պետական քաղաքականություն, որ կանայք հասարակությունում իրենց ավելի հարմարավետ զգան։ Հավաքագրված կանայք վտանգավոր են հասարակության համար»,- ասել է նա։
