Անջելինա Ջոլին առաջին անգամ խոստովանել է, թե որքան բարդ է եղել իր համար որպես ռեժիսորի նկարահանել և մասնակցել բաց սիրային տեսարաններին ամուսնու` Բրեդ Փիթի հետ` իր նոր, «Լազուրե ափ» ֆիլմում:
«Անհավանական տարօրինակ էր պառկել լոգարանում` համակարգիչը ձեռքիդ և միաժամանակ նայել, թե ինչպես է Բրեդը բացում լոգասենյակի դուռը, ու նրան ցուցումներ տալ` ինչպես ինձ հետ սիրով զբաղվել: Եվ այդ ամենը նկարահանման խմբի մասնակիցների ներկայությամբ»,- ասել է Ջոլին:
Ջոլին խոստովանել է, որ երբ շարադրել է ֆիլմի սցենարն ու համոզել Փիթին կինոնկարում մարմնավորել հերոսուհու ամուսնուն, չէր սպասում, որ իրականում դա այդքան բարդ կլինի: Բրեդի հետ սեքսուալ տեսարանների նկարահանումների ժամանակ նա չէր կարողանում անտարբեր նայել, թե ինչպես է իր կինը մերկանում նկարահանող խմբի աչքի առջև և մշտապես փորձում էր նրան ծածկել սրբիչով: Անջելինան հիշում է, որ նա թույլ չէր տալիս իրեն մոտենալ մոնիտորին, մինչև չէր ծածկում հերթական սրբիչով: Նա նույնիսկ սիրելի ամուսնուն անվանել է «սրբիչների հերթապահ»:
Ինչ վերաբերում է սիրային տեսարաններին, ապա ըստ Անջելինայի, միշտ էլ բարդ է նման տեսարաններ նկարահանելը` առավել ևս այն տղամարդու հետ, ում հետ մշտապես սեքսով ես զբաղվում:
