Սիրիական զորքերը Հալեպի նահանգում ազատագրել են մի շարք բնակավայրեր

Ռուսական RIA Novosti լրատվական գործակալության փոխանցմամբ՝ սիրիական զորքերը շարունակում են հարձակումը Հալեպի շրջանում՝ ոչնչացնելով մեծ քանակությամբ ահաբեկիչների, նրանց սպառազինությունն ու տեխնիկան։

Այդ մասին լրագրողների հետ զրույցում հայտարարել է սիրիական բանակի ներկայացուցիչ, բրիգադի գեներալ Ալի Մայհուբը։ Նա մանրամասնել է, որ իրենց զինված ուժերն աշխարհազորայինների հետ միասին հաջող գործողություններ են իրականացրել Հալեպ նահանգի հարավային ու արևմտյան հատվածներում և իրենց վերահսկողությունն են հաստատել տվյալ տարածաշրջանի մի շարք գյուղերի վրա։

Երկրի հյուսիս-արևմուտքում սիրիական բանակը շարունակում է հարձակումը «Ջաբհաթ ան-Նուսրայի» ու նրան դաշնակից խմբավորումների գլխավոր հենակետ Ալ-Խադեր քաղաքի վրա, որը գտնվում է Հալեպ նահանգի հարավում։