Մեծ Բրիտանիայի վարչապետ Դևիդ Քեմերոնը պատրաստ է աջակցելու երկրի ԵՄ-ից դուրս գալու որոշմանը, եթե Բրյուսելը չհամաձայնի Լոնդոնի առաջարկած նոր պայմաններին: Այս մասին շաբաթ օրը տեղեկցրել է The Guardian-ը, որի տնօրինության տակ են հայտնվել Քեմերոնի կողմից ԵԽ նախագահ Դոնալդ Տուսկին ուղարկված նամակներից մեջբերումներ:
«Եթե չենք կարող համաձայնության գալ, և եթե Մեծ Բրիտանիայի մտահոգությունները անտեսվեն, ինչը ես կարծում եմ չի լինի, ապա մենք ստիպված կլինենք նորից մտածել նրա մասին, թե արդյոք ԵՄ-ն ճիշտ ընտրություն է մեզ համար: Ինչպես ավելի վաղ ես հայտարարել եմ՝ ոչինչ չեմ բացառում»,- ասել է Քեմերոնը:
Բրիտանիայի՝ ԵՄ-ին անդամակցելու հետագա ճակատագրի վերաբերյալ ռեֆերենդումը, ինչպես խոստացել է Քեմերոնը, կանցկացվի 2017-ի վերջին, սակայն տեղական մի շարք ԶԼՄ-ների կարծիքով այն կարող է անցկացվել արդեն հաջորդ տարի:
Ինքը՝ Քմերոնը, այդուհանդերձ կողմ է արտահայտվել ԵՄ-ի կազմում մնալուն: Նա խոստացել է հասնել նրան, որ Բրյուսելը փոփոխություններ իրականացնի ԵՄ-ում և բրիտանիային վերադարձնի իշխանական իրավունքների մեծ մասը:
