Toshiba Corporation ընկերությունը ղեկավարության նախկին 5 անդամներից դատական կարգով պահանջում է 300 միլիոն իենի (մոտ 2.4 միլիոն դոլար) վնասի փոխհատուցում, ինչի մասին ընկերության ներկայացուցիչները հայտնել են Տոկիոյում մամլո ասուլիսի ժամանակ: Այս մասին հայտնում է RIA Novosti-ն:
Բացի այդ, ևս 26 թոփ-մենեջերներ կենթարկվեն կարգապահական տույժի: Ընկերության կարծիքով՝ նրանք բոլորը մասնակցել են հաշվետվության կեղծմանը, ինչը խարխլել է ընկերության իմիջը:
Toshiba-ն հայտնվել է սկանդալի կենտրոնում կապված այն բանի հետ, որ ընկերությունը հաշվետվություններում չափազանցել է եկամտի տվյալները և վեց տարի շարունակ բանկային հաշիվներից դուրս է գրել գումարներ:
