Գերմանիայի ներքին գործերի նախարար Թոմաս դե Մեզյերը հայտարարել է, որ ապագայում Սիրիայից փախստականներին ծրագրվում է շնորհել հատուկ կարգավիճակ, որը նաև փախստականներին կարգելի հարազատներին տեղափոխել Գերմանիա: Այս մասին հաղորդում է RIA Novosti-ն:
«Նման իրավիճակներում այլ երկրները երաշխավորում են երկրում ապրելու սահմանափակ ժամկետ: Ապագայում մենք նույն բանը կանենք սիրիացի փախստականների հետ՝ ասելով նրանց՝ դուք կստանաք, այսպես կոչված, սուբսիդավորված պաշտպանություն, ինչը նշանակում է, որ այն սահմանափակ ժամանակով է և չի ենթադրում հարազատների տեղափոխում ևս»,- հայտարարել է Մեզյերը:
Հատուկ կարգավիճակ ստանում են փախստականները, որոնց մերժել են Գերմանիայում կեցության իրավունք տալ, բայց ովքեր չեն կարող վերադառնալ հայրենիք, որտեղ նրանց սպասվում է, օրինակ, մահապատիժ կամ կտտանքներ: Նրանք կստանան «փախստականի սահմանափակ կարգավիճակ»՝ երկրում մեկ տարի մնալու թույլտվությամբ, որը կարող է երկարաձգվել հետագայում: Նման փախստականներին արգելվում է տեղափոխել հարազատներին՝ ապաստան տրամադրող երկրում լինելու պահից երկու տարվա ընթացքում:
