Անցյալ ամիս Պենտագոնի` Սիրիայի չափավոր ընդդիմության կազմից մարտիկների նախապատրաստման ծրագիրը ԱՄՆ-ի համար 384 մլն դոլար է արժեցել կամ 2 մլն դոլար` ծրագրի յուրաքանչյուր մասնակցի համար: Այս մասին հաղորդում է USA Today-ը:
2015-ին Պենտագոնը պատրաստ էր 500 մլն դոլար ծախսել ԴԱԻՇ-ի (Իրաքի և Շամի իսլամական պետություն) դեմ պայքարում սիրիացի ապստամբներին մարզելու համար և խոստացել նախապատրաստել 3 հազար մարտիկի:
Սակայն ծրագիրը դադարեցվեց, երբ վերոնշյալ գումարից ծախսվեց 384 մլն դոլարը: Ըստ պարբերականի` մարզված և զինված 180 ընտրված սիրիացիներից 145 մարտիկներ մնացել են ծրագրում: Նրանցից 95-ն այժմ Սիրիայում են:
Պենտագոնը սակայն վիճարկում է մեկ մարտիկի համար 2 մլն դոլար թիվը` հայտարարելով, որ զորավարժության փաստացի արժեքը ավելի պակաս է եղել` յուրաքանչյուր զինվորի համար արժենալով 30 հազար դոլար:
