Հինգշաբթի ԱՄՆ ֆինանսների նախարարության պաշտոնյաները պատժամիջոցներ են սահմանել 2 չինական և 1 լիբանանյան ընկերությունների վրա, որոնք, ինչպես ենթադրվում է, սարքավորում են ստեղծել «Հզբոլլահ» արմատական խմբավորման համար նախատեսված անօդաչու թռչող սարքերի համար: Այս մասին գրում է The Washington Examiner-ը:
Մեկ այլ չինական ընկերություն մեղադրվել է Եմենում շիա ընդդիմադիրներին էլեկտրոնային սարքավորում մատակարարելու համար: Հաղորդվում է, որ էլեկտրոնային բաղադրիչները գրոհայիններին պահանջվել են ռումբի ստացման համար:
«Մենք կարծում ենք, որ «Հզբոլլահը» վտանգավոր և ապակայունացնող ահաբեկչական խմբավորում է, ուստի ֆինանսների նախարարությունը լի է այդ կազմակերպության վրա առավելագույն ճնշումը պահելու վճռականությամբ նրանց եկամտի մեծաթիվ աղբյուրների շրջառման ճանապարհով»,- հայտարարել է ահաբեկչության և ֆինանսական հետախուզության հարցերով քարտուղարի տեղակալ Ադամ Շյուբինը:
«Կատարվածն ընդգծում է, որ «Հզբոլլահը» նպատակաուղղված է կոմերցիոն ոլորտին իր ռազմական հնարավորությունները պահելու նպատակով, նաև ահաբեկչական ակտերի իրագործման համար»,- հավելել է նա:
Նշվում է, որ «Հզբոլլահի» մարտիկները դրոններն օգտագործում են սիրիական ընդդիմության վրա հարձակման համար, նաև դրանք ուղարկում են Իսրայել՝ տեղեկություն հավաքելու համար:
