Լիբիայի արևելքում ձերբակալվել է ծայրահեղական խմբավորման առաջնորդ, որը կասկածվում է Բենղազիում ԱՄՆ դեսպան Քրիստոֆեր Սթիվենսի սպանությանը մասնակից լինելու մեջ: Այս մասին հաղորդում է Associated Press-ը՝ վկայակոչելով Լիբիայի անվտանգության ծառայության աղբյուրին:
Սուֆյան բին Կումուն ձերբակալվել է Դերնա քաղաքից արևելք: Լիբիայի հատուկ ծառայությունների տվյալներով՝ արմատական իսլամիստներն այս տեղանքը վաղուց օգտագործում են որպես ապաստարան:
Գործողության ընթացքում Կումուն վիրավորվել է: Հայտնի է, որ ահաբեկիչը դատապարտված է եղել ԱՄՆ-ի Գուանտանամո ռազմական բազայի բանտում:
Միևնույն ժամանակ ԱՄՆ-ի պաշտոնական ներկայացուցիչները դեռևս չեն հայտարարել Բենղազիում ԱՄՆ-ի առաքելության շենքի վրա հարձակման կասկածյալների անունները, որի ընթացքում սպանվել են դեսպանը և Պետդեպարտամենտի երեք աշխատակից: