Լոնդոնը ժամանակավորապես դադարեցրել է եգիպտական Շարմ էշ Շեյխ քաղաքից դեպի Բրիտանիա բոլոր ինքնաթիռների թռիչքները, հայտնում է BBC-ն:
Ինչպես ասված է բրիտանական կառավարության հայտարարությունում՝ դա կապված է նոր հայտնված այն տեղեկության հետ, որ ռուսական ինքնաթիռում եղել է պայթուցիկ սարք:
«Քանի դեռ հետաքննություն է գնում, մենք չենք կարող միանշանակ ասել, ինչու է ընկել ռուսական ինքնաթիռը: Սակայն նոր տեղեկատվության հայտնվելով, մեզ մոտ մտահոգություն է առաջացել կապված այն տարբերակի հետ, որ կարծանման կարող էր բերել ինքնաթիռում պայթուցիկ սարքը»,- ասվում է Դաունինգ սթրիթի հայտարարությունում:
Թռիչքները դադարեցնելու որոշումը կատարվել է Մեծ Բրիտանիայի վարչապետ Դևիդ Քեմերոնի և Եգիպտոսի նախագահ Աբդել Ֆատահ աս-Սիսիի հեռախոսազրույցից հետո, որտեղ քննարկվել են եգիպտական օդանավակայանում անվտանգության միջոցառումները:
