Ռուսական TASS լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը ստորագրել է Ադրբեջանի հետ ներդրումների խթանման ու փոխադարձ պաշտպանության մասին համաձայնագրի վավերացման մասին դաշնային օրենքը։ Այդ մասին հայտնում է Կրեմլի պաշտոնական կայքը։
Փաստաթղթում նշված է, որ համաձայնագիրը միտված է Ռուսաստանի ու Ադրբեջանի միջև փոխշահավետ առևտրատնտեսական ու գիտատեխնիկական համագործակցության զարգացման համար բարենպաստ պայմաններ ստեղծելու համար։
ՌԴ Պետդուման այդ օրենքն ընդունել է 2015 թվականի հոկտեմբերի 23-ին, իսկ 5 օր անց այն հավանության է արժանացրել Դաշնության խորհուրդը։
