Հարավային Սուդանում «Ան-12» բեռնատար օդանավի կործանման պատճառը կարող է լինել տեխնիկական խոտանը կամ գերբեռնվածությունը՝ հայտնում է South Sudan Tribune-ը՝ հղում անելով երկրի Քաղավիացիայի վարչության փորձագետներին:
Ներկա պահին փորձագետներն աշխատում են աղետի վայրում: Ավելի վաղ հաղորդվել էր, որ Հարավային Սուդանում կործանված օդանավը չկա «Ռոսավիացիայի» ցուցակներում:
Բեռնատար օդանավը աղետի է ենթարկվել մայրաքաղաք Ջուբայի օդանավակայանից 800 մետր հեռավորության վրա՝ թռիչքից անմիջապես հետո։
Միջազգային ռեեստրի տվյալներով՝ օդանավը շահագործվում է 1971 թվականի ապրիլի 1-ից։
