Իրավիճակը Մերձավոր Արևելքում իսլամիստների կողմից մշակութային և կրոնական զտման պայմաններում, նաև ժամանակակից աշխարհում, կրթության և գիտության զարգացման հարցերը կլինեն այսօր Փարիզում բացված ՅՈՒՆԵՍԿՕ-ի Գլխավոր կոնֆերանսի 38-րդ նստաշրջանի օրակարգի գլխավոր թեմաները: Մարտահրավերների մասին, որոնց բախվում է միջազգային կազմակերպությունը, TASS-ի հետ զրույցում ասել է ՅՈՒՆԵՍԿՕ-ում Ռուսաստանի մշտական ներկայացուցիչ Էլեոնորա Միտրոֆանովան:
«Ներկայիս Գլխավոր կոնֆերանսն առանձնահատուկ է միաժամանակ մի քնաի պատճառով,- ասել է Միտրոֆանովան:- Նախ՝ դա հոբելյանական նստաշրջան է, որում կնշվի ՅՈՒՆԵՍԿՕ-ի հիմնադրման 70-ամյակը: Բայց, միաժամանակ, քննարկումների մեծ մասը նվիրված կլինի մշակութային ժառանգության պահպանման խնդրին Մերձավոր Արևելքում, որի գլխին այսօր աննախադեպ սպառնալիք է կախվել»:
Մասնավորապես, Միտրոֆանովան նշել է, որ կքննարկվեն հարցեր միջոցառումների մասին, որոնք անհրաժեշտ է ձեռնարկել հակամարտության պայմաններում, և հատկապես՝ հակամարտությունից հետո եկող շրջանում:
