Եվրամիությունը կոչ է անում Ադրբեջանի իշխանություններին քվեարկությունը կազմակերպելու վերաբերյալ կատարել ԵԱՀԿ/ԺՀՄԻԳ առաջարկությունները, սակայն միաժամանակ սպասում է խորհրդարանի նոր կազմի հետ համագործակցության սկսմանը, հայտնում է RIA Novosti-ն: Այդ մասին հաղորդել են ԵՄ դիվանագիտության ղեկավարի ներկայացուցիչ Ֆեդերիկ Մեգերինի պաշտոնական կոմյունիկեում:
Մեկնաբանելով կիրակի օրը տեղի ունեցած ընտրությունների ընթացքը, նա նշել է ԵԱՀԿ/ԺՀՄԻԳ դիտորդների բացակայության մասին: Նրա խոսքերով՝ «Ադրբեջանի իշխանությունները պետք է կատարեն ԵԱՀԿ/ԺՀՄԻԳ-ի նախորդ առաջարկությունները»: Մոգերինին հիշեցրել է, որ Եվրամիությունն աջակցում է ընտրությունների միջազգային ստանդարտին, սակայն «երեկվա ընտրություններին չի մասնակցել մի կարևոր ընդդիմադիր կուսակցություն` բոլոր թեկնածուների համար միասնական խաղի կանոնների բացակայությա պատճառով»:
Միաժամանակ նա հայտարարել է, որ «ԵՄ-ն սպասում է ադրբեջանական ինստիտուտների հետ համագործակցության շարունակմանը, ներառյալ նոր խորհրդարանի, բոլոր քաղաքացիների բարօրության համար»:
Ադրբեջանի խորհրդարանի 5-րդ ընտրությունները տեղի են ունեցել կիրակի օրը: 125 տեղի համար պայքարել են 767 թեկնածու` ներկայացնելով 15 քաղաքական ուժեր: Նախնական տվյալներով ընտրություններում հաղթում է Իլհամ Ալիևի «Նոր Ադրբեջան» իշխող կուսակցությունը, որը հավաքում է 70 տեղ:
