XX դարի ամերիկյան նշանավոր գեներալ Ջորջ Փաթոնի գրպանի ոսկե ժամացույցը Նյու Յորքի աճուրդում վաճառվել է 137 հազար դոլարով, հայտնում է RIA Novosti-ն:
1909 թվականի Five Minute Repeater ժամացույցը Փաթոնը ծնողներից նվեր է ստացել ռազմական ակադեմիան ավարտելու կապակցությամբ, որից նա չի բաժանվել նույնիսկ ռազմական գործողությունների ընթացքում: 1945 թվականին` գեներալի մահից հետո, այն 70 տարի անցել է սերնդից սերունդ:
Փաթոնի հիշողությունների համաձայն` այդ ոսկե ժամացույցը արժեցել է 600 դոլար, չնայած նրա ծնոդները այն գնել են 350-ով:
Առաջին համաշխարհային պատերազմի ժամանակ լեյտենանտ Փաթոնը Ֆրանսիայում մասնակցել է Սեն Միշելի մոտ 1918 թվականի սեպտեմբերի ճակատամարտին և վիրավորվել: Երկրորդ համաշխարհային պատերազմի ընթացքում Փաթոնը եղել է ամերիկյան շտաբի գլխավոր գեներալներից մեկը և գլխավոր տանկային կորպուսի հրամանատար: Գեներալը զոհվել է 1945 թվականի դեկտեմբերին ավտովթարից:
