Սննդային քիմիայի բնագավառում վերջին հայտնագործությունները ցույց են տվել, որ սովորական թեյը կարող է փոխարինել հակաբիոտիկներին, հայտնում է allwomen.net.ua-ն:
Այդպիսի եզրակացության են եկել Կարդիֆի համալսարանի հետազոտողները: 2008 թվականից նրանք զբաղվել են տարբեր տեսակի թեյերի ուսումնասիրությամբ և մարդու օրգանիզմի վրա նրանց ազդեցությամբ: Նրանք եկել են այն եզրակացության, որ սև թեյն ընդունակ է նվազեցնելու աղեստամոքսային համակարգի հիվանդությունները և կանխել փորլուծությունը:
Սև թեյը պարունակում է պոլիֆենոլ, որն ընդունակ է վերացնելու Clostridium difficile վտանգավոր բակտերիան: Դրա վտանգավորությունը կայանում է նրանում, որ ժամանակի հետ սկսում է չենթարկվել հակաբիոտիկների ազդեցությանը:
Գիտնականները ցանկանում են պոլիֆենոլի հիման վրա ստեղծել դեղ, որն ընդունակ կլինի պայքարել ախտածին բակտերիաների դեմ: Նրանք հույս ունեն ստեղծել ունիվերսալ թեյ, որ կարողանա 100%-ով պայքարել այդ բակտերիայի դեմ:
Գիտնակնները նաև խորհուրդ են տալիս խուսափել մրգային թեյ և ըմպելիքներ օգտագործելուց, քանի որ դրանք պարունակում են մեծ քանակությամբ բուրավետիչներ, իսկ թեյի պարունակությունը դրանց մեջ կարող է լինել 1%:
