Սիրիական ճգնաժամի կարգավորման ցանկացած հանդիպում առանց Սիրիայի և Ռուսաստանի կառավարությունների մասնակցության, և այդպիսի հանդիպումների արդյունքները պաշտոնական Դամսկոսը չի ընդունում: Այս մասին TASS-ին ասել է Ռուսաստանում Սիրիայի դեսպան Ռիյադ Հադադը:
«Սիրիական ճգնաժամի կարգավորման վերաբերյալ բոլոր հանդիպումները, որոնք անցկացվում են առանց Սիրիայի և բարեկամ Ռուսաստանի կառվարությունների ներկայացուցիչների մասնակցության, պաշտոնական Դամասկոսի համար ոչ մի հետաքրքրություն չեն ներկայացնում,- նշել է դիվանագետը՝ մեկնաբանելով նախօրեին Փարիզում տեղի ունեցած հանդիպման արդյունքները:- Մենք ուշադրություն չենք դարձնում այդպիսի հանդիպումներին, առավելևս՝ դրանց որոշումներին ու արդյունքներին»:
Սիրիայի հարցով միջագային հանդիպումը տեղի է ունեցել հոկտեմբերի 27-ին Ֆրանսիայի մայրաքաղաքում «գործնական ընթրիքի» ձևաչափով: Դրան մասնակցել են Սաուդյան Արաբիայի, ԱՄԷ-ի, Հորդանանի, Կատարի, Թուրքիայի, Գերմանիայի, ԱՄՆ-ի, Իտալիայի և Մեծ Բրիտանիայի ներկայացուցիչները:
