Ավստրալական Մելբուռնում շոգից հոգնած կենգուրուն լողացել է լողավազանում, հայտնում է Buzzfeed-ը: Կենդանին մտել է տներից մեկի բակ՝ ցատկելով ցանկապատի վրայով: Տեղի բնակչուհի Էմի Գերրաուեյը պատմել է, որ կենգուրուն ջրում անցկացրել է մոտ 45 րոպե:
Կենդանու լողալն արձանագրել է հսկող տեսախցիկը: «Ինչպես կարող եք տեսնել՝ նրան չեն հրել, նա ինքն է թռել»,- նշել է Գերրաուեյը:
Ավստրալուհու խոսքով՝ իր ծնողները լսել են, թե ինչպես է ինչ-որ մեկը չփչփում ջրի մեջ: Պարզվել է՝ կենգուրուն փորձել է դուրս գալ լողավազանից: Գերրաուեյի ծնողները կենգուրուին 3-րդ փորձից են կարողացել դուրս բերել լողավազանից:
