Դիպուկահարի գնդակից սպանված Ասլան Ուսոյանի զարմիկ Դմիտրի Չանտուրիան և Դեդ Հասանի երբեմնի «աջ ձեռք» Էդուարդ Ասատրյանը չկարողացան կիսել հանգուցյալի ակտիվները: Առաջին հերթին նրանք հավակնում են Կրասնոդարի երկրամասի ակտիվներին:
Ինչպես Rosbalt-ին հայտնել է իրավապահ մարմինների աղբյուրը, մարտին Դմիտրի Չանտուրիայի և Էդուարդ Ասատրյանի միջև բաց հակամարտություն է սկսվել: Նրանց կլանները հանդիպել են Մոսկվայի ավտոտեխսպասարկման ծառայություններից մեկի տարածքում: Հանդիպմանը մասնակցել է շուրջ 100 զինված գանգստեր: Հրաձգությունից խուսափել հաջողվել է, սակայն «օրենքով գողերը» ծեծկռտուք են սարքել, որում հաղթողը եղել են Չանտուրիայի կլանի ներկայացուցիչները:
Այժմ հակամարտող կողմերն աշխատանքներ են տանում հանցավոր աշխարհում մեկը մյուսին վարկաբեկելու ուղղությամբ, ինչպես նաև ուժեր հավաքում «պատերազմ» սկսելու համար:
«Իրադրությունն օրեցօր թեժանում է, խաղաղ ճանապարհով այդ հակամարտությունն այլևս չես լուծի»,- ասել է գործակալության աղբյուրը,- «Չի բացառվում, որ շուտով սկսեն կրակոցներ հնչել»:
