Ամերիկյան Սենատը հաստատել է Սալի Ջուելին ներքին գործերի նախարարի պաշտոնում: Նրա թեկնածության օգտին են քվեարկել 87 օրենսդիրներ, 11-ը դեմ են արտահայտվել: Այս մասին հայտնում է ITAR-TASS-ը:
Էներգետիկայի և բնական ռեսուրսների Սենատի հանձնաժողովի ղեկավար, դեմոկրատ Ռոն Ուայդենը նշել է, որ Ջուելը ցուցաբերել է ղեկավարի հիանալի հմտություններ: Իր հերթին նույն հանձնաժողովում հանրապետականի առաջնորդ Լիզա Մուրկովսկին հույս է հայտնել, որ նախարարը կկարողանա նորովի վերաբերվել գերատեսչության առջև ծառացած խնդիրներին:
Սալին կարիերան սկսել է Mobil նավթային ընկերությունում՝ որպես ինժեներ, որից հետո 20 տարի աշխատել է բանկային ոլորտում: 1996 թվականին Ջուելը մարզական ապրանքների վաճառքով զբաղվող REI ընկերության տնօրենների խորհրդի անդամ էր, իսկ 2005-ին ղեկավարել է ընկերությունը:
ԱՄՆ ՆԳՆ տնօրինման ներքո են գտնվում հողօգտագործման, երկրաբանական հետախուզության և ազգային պարկերի պահպանության ոլորտները: Նախարարությունը զբաղվում է նաև նավթի արդյունահանման համար հորատման տարածքների բաժանմամբ:
Ջուելն այդ պաշտոնում կփոխարինի Քեն Սալազարին, որը գերատեսչությունը ղեկավարում էր 2009 թվականի հունվարից: Իր հրաժարականի մասին մտադրությունը Սալազարը բացատրել էր ընտանիքին ավելի շատ ժամանակ տրամադրելու ցանկությամբ: