BBC News-ի փոխանցմամբ՝ ԱՄՆ Ֆլորիդա նահանգում գորշ արջերի պոպուլյացիայի վերահսկման ծրագրի շրջանակներում հոկտեմբերի 24-25-ին սպանել են 320 արջ։
Ընդհանուր առմամբ տրվել է 4000 թույլտվություն այն որսորդների համար, ովքեր ցանկացել են մասնակցել այդ կենդանիների որսին։ Նրանց թվում էր 16-ամյա դեռահաս, որի խոսքով՝ իրականացել է իր երազանքը՝ սպանելով 80 կիլոգրամանոց արջ։ Նահանգի իշխանությունների տվյալներով՝ վերջին 40 տարում Ֆլորիդայում արջերի թիվը մի քանի հարյուրից հասել է 3500-ի։ Դա վտանգավոր է համարվում մարդկանց համար։
