Ֆրանսիայի ամենահարուստ մարդը՝ Բեռնար Առնոն, փոխել է Բելգիայի քաղաքացի դառնալու իր որոշումը, որն ընդունել էր անցյալ տարի:
«Ես թերագնահատում էի այդ արարքի հետևանքները, որը, ինչպես ինձ հայտնել էին, պետք է տեղի ունենար առանց ավելորդ քաշքշուկների: Ես մի քանի անգամ բացատրել եմ, որ կշարունակեմ բնակվել Ֆրանսիայում և վճարել հարկերը: Բայց ամեն ինչ զուր էր. դա լսելի չէր: Այժմ ես որոշել եմ ցրել բոլոր կասկածները և հետ եմ վերցնում Բելգիայի քաղաքացի դառնալու իմ դիմումը»,- Le Monde թերթին տված հարցազրույցում ասել է Առնոն:
