Vudu տեսածառայությունը, որը պատկանում է ամերիկյան Wal-Mart ցանցին, ջնջել է իր բոլոր օգտատերերի ծածկագրերը տվյալների արտահոսքի հայտնաբերման պատճառով: Այս մասին, ինչպես հաղորդում է The Next Web-ը, ծառայությունն օգտատերերին հայտնել է էլեկտրոնային փոստի միջոցով:
Vudu-ի կայքում ասվում է, որ մարտի 24-ին չարագործները ներթափանցել են ընկերության գրասենյակներ ու գողացել որոշ իրեր, ներառյալ՝ կոշտ սկավառակները:
Հետաքննության արդյունքում պարզվել է, որ գողացված սկավառակների վրա եղել են օգտատերերի անունները, էլ.փոստերի հասցեները, տեղեկություններ բնակության վայրի մասին, հեռախոսահամարներ, կոդավորված ծածկագրեր:
Vudu-ում նշել են, որ անմիջապես այն բանից հետո, երբ հայտնաբերել են գողությունն, իրենք դիմել են իրավապահ մարմիններին:
Կայքը չարագործների գործողությունների հետևանքով չի տուժել:
Vudu-ն թույլ է տալիս համացանցի միջոցով ոչ մեծ գումարի դիմաց ֆիլմեր դիտել:
