Հունաստանի՝ Գերմանիայի նկատմամբ հավակնությունները կարող են ունենալ դանդաղ ռումբի էֆեկտ, գրում է vestifinance.ru-ն:
Հունաստանի կառավարությունը շփոթահար է «պայթյունավտանգ» հաշվետվության դանդաղ արտահոսքի պատճառով, որը պարունակում է պահանջներ Գերմանիայի նկատմամբ՝ փոխհատուցել Առաջին ու Երկրորդ համաշխարհային պատերազմների ընթացքում հույների կրած վնասները:
Նախօրեին Հունաստանի վարչապետ Անտոնիս Սամարասն անցկացրել էր արտակարգ խորհրդակցություն ԱԳՆ ղեկավարի ու այլ պատասխանատու անձանց հետ, որպեսզի նվազեցվեն 80-էջանոց հաշվետվության դիվանագիտական վնասները:
Aporito կամ «գաղտնի է» մակագրված փաստաթուղթը մշակվել է մի խումբ փորձագետների կողմից Հունաստանի ֆինանսների նախարարության հանձնարարությամբ ու ներկայացվել է պաշտոնյաներին դեռ անցած ամիս:
Գերմանիային ներկայացվելիք ենթադրյալ հայցը հասնում է ընդհանուր առմամբ 162 մլրդ եվրոյի, այդ թվում՝ 108 մլրդ եվրո՝ երկրի ենթակառուցվածքների վերականգման համար, որոնք վնասվել են 1941-1944թթ. նացիստական օկուպացիայից հետո: Դա Հունաստանի ՀՆԱ-ի 80%-ն է կազմում:
Անցած հանգստյան օրերին զեկույցը տպագրվել է հունական To Vima թերթում՝ «Որքա՞ն է Գերմանիան մեզ պարտք» խորագրով: Պարբերականի կարծիքով՝ թեման «ռումբի պայթյունի» էֆեկտ է ունեցել, առավել ևս, որ հրապարակվել է այն ժամանակ, երբ Հունաստանը գտնվում է վարկատուների ճնշման տակ:
