«Մասամբ ընթերցել եմ, այո, առաջարվող նախագիծը, իսկ դեսպանության իմ գործընկերները մանրամասնորեն ծանոթացել են փաստաթղթերին: Ես նաև առիթ եմ ունեցել ծանոթանալու առաջարկվող նախագծի վերաբերյալ տրված գնահաականներին Վենետիկյան հանձնաժողովի, հայաստանյան քաղաքացիական հասարակության տարբեր խմբերի կողմից: Սակայն ինձ համար՝ որպես Միացյալ Նահանգների կառավարության ներկայացուցչի, տեղին չէ որևէ գնահատական տալ նախագծի վերաբերյալ: Հայաստանի ժողովուրդն ինքը պետք է ծանոթանա նախագծին, մասնակցի բանավեճերին, քննարկումներին, հասկանան, թե ինչպիսի հետևանքներ կունենան փոփոխություններն իրենց կյանքում և իրազեկ որոշում կայացնեն»,-ասօր լրագրողների հետ զրույցում ասաց ՀՀ-ում ԱՄՆ դեսպան Ռիչարդ Միլսը։
Վերջինս չցանկացավ արձագանքել ՄԱԿ-ում ԱՄՆ նախագահ Բարաք Օբամայի դիտարկմանը, թե նախագահները սահմանադրությունը փոխում են վերարտադրվելու համար։ Լրագրողները հետաքրքրվեցին՝ Օբամայի ելույթը վերաբերո՞ւմ էր արդյոք Սերժ Սարգսյանին։ «Նախագահ Օբամայի մեկնաբանությունների վերաբերյալ Նյու-Յորքում ես չեմ կարող անդրադարձ կատարել, սակայն այստեղ կարևոր է, որպեսզի լինի բանավեճ, լինեն քննարկումներ, մարդիկ կարողանան իրենց որոշումը կայացնել և եթե որոշում են փոփոխություններ կատարել, ապա դա նրանց որոշումն է: Եվ ինչպես ես ասացի, մենք՝ որպես Հայաստանի բարեկամ, հետևելու ենք՝ տեսնելու արդյոք ապահովվում է բաց բանավեճ, արդյոք բոլոր կողմերը՝ այոն և ոչը ներկայացնող, հավասար կարողանում են իրենց դիրքորոշումները հայտնել»,-ասաց դեսպանը։
Առավել մանրամասն՝ տեսանյութում։
