Ռումինիայում Մոլդովայի հետ միավորվելու ստորագրահավաք են անցկացնում: Այս մասին հայտնում է Vesti-ն:
Ռումինիայի և Մոլդովայի միավորման գաղափարի մասին խոսվում է ոչ առաջին անգամ: Մոլդովայում մի քանի կուսակցություններ կողմ են Ռումինիայի հետ միավորմանը: Դրանցից մեկը Լիբերալ կուսակցությունն է, որը մտնում է իշխող կոալիցիայի կազմում: Դրա անդամ, Քիշնևի 34-ամյա քաղաքապետ Դորին Կիրտոակեն հայտնի է իր ռումինամետ ակցիաներով: Նրան է պատկանում է Մոլդովայի դրոշը ռումինականին նմանեցնելու գաղափարը, սակայն նրա գաղափարն աջակցություն չի գտել կոալիցիայի իր զինակիցների մոտ: Այս մասին հայտնում է Vesti-ն:
Ռումինիան ԵՄ-ին ինտեգրվել է 2006 թվականին, սակայն, ինչպես նախկինում, եվրոպական բլոկի ամենաաղքատ երկրներից մեկն է: Սակայն Ռումինիայի տնտեսությունը մի քանի անդամ գերազանցում է Մոլդովայի տնտեսությանը՝ առաջին հերթին բնակչության հարաբերակցության հաշվին: Ռումինիայում բնակվում է 20, իսկ Մոլդովայում՝ 3 մլն մարդ: Նրանց միավորումը տեսականորեն հնարավոր է:
2006 թվականին Տրայան Բեսեսկուն Մոլդովայի նախագահ Վլադիմիր Վորոնինին առաջարկել է միավորվել մեկ պետության մեջ և միասին մուտք գործել ԵՄ, սակայն նրա գործընկերը հավանության չի արժանացրել այդ միտքը: Բանն այն է, որ վերջին 20 տարիներին Մոլդովայի բնակիչները սովորել են իրենց զգալ ոչ ռումինացիներ:
Տասնամյակների ընթացքում Մոլդովայում, ինչպես ԽՍՀՄ մյուս պետություններում, անցկացվել է ռուսաֆիկացման քաղաքականություն: Ռումինացիների և մոլդովացիների ազգային և լեզվական ընդհանրությունը շարունակ սնել է եղբայր ժողովուրդներին մեկ պետության մեջ միավորելու գաղափարը:
Թվում էր՝ երազանքը կիրականանա ԽՍՀՄ փլուզումից հետո: Սակայն Քիշնևում ազգայնականների մտադրությունը՝ մոլդովերենը հայտարարել միակ պետական լեզու, Մերձդնեստրյան շրջանում դժգոհություններ է առաջացրել, որտեղ մոլդովացիները փոքրամասնություն էին կազմում: Ռուսերենի՝ պետական լեզվի կարգավիճակը պահպանելու Մոլդովայի խորհրդարանի մերժումից հետո՝ 1990 թվականի սեպտեմբերին, Մերձդնեստրի խորհրդարանը անկախության մասին հռչակագիր ընդունեց, որից հետո ծայր առան զինված ընդհարումներ:
