Ֆրանսիայի բյուջեի նախկին նախարար Ժերոմ Կայուզակը, ով իր պաշտոնը լքել էր այն բանից հետո, երբ հասարակությանը հայտնի էր դարձել, որ նա արտասահմանում բանկային հաշիվներ ունի և խուսափում է հարկեր վճարելուց, հեռացվել է Ֆրանսիայի Սոցիալիստական կուսակցությունից, փոխանցում են արտասահմանյան ԶԼՄ-ները:
Կայուզակի հեռացման մասին որոշումը միաձայն է ընդունվել:
Ինչպես նշել է կուսակցության առաջնորդ Արլեմ Դեզիրը, նախկին նախարարի «արարքները չափազանց լուրջ են և անհամատեղելի քաղաքական կյանքի և պետական ծառայության հետ»:
Ավելի վաղ Կայուզակը հարցազրույցներում հերքել էր արտասահմանյան բանկերում հաշիվներ ունենալու մասին լուրերը, սակայն ապրիլի սկզբին նա կամավոր հանդիպել է դատական քննիչների հետ և խոստովանել դրանց առկայության մասին: Կայուզակը խոստովանել է, որ 2001 թ. սկսած այդ հաշվի վրա գումար չի ավելացրել: