Ազատության հրապարակում, դիմելով հավաքվածներին, Րաֆֆի Հովհաննիսյանն ասել է, որ ով ուզում է տուն գնալ, թող տուն գնա, ով ուզում է սերիալ նայել, թող գնա սերիալ նայի, իսկ ով ուզում է կանգնել հանուն մեր հայրենիքին, թող կանգնի: Նա նաև վաղը արշալույսը միասին դիմավորելու առաջարկ արեց:
Նա պահանջեց, որ այսօր Սերժ Սարգսյանը, Վլադիմիր Գասպարյանը հրաժարական տան կամ գան իրեն ձերբակալեն.«Եկեք տղերք, եկեք»,-ասաց նա՝ հավելելով, որ մեր ազգի միասնության ճրագը չի պարտվելու, և կրակը, հրդեհը վառ ենք պահելու:
«Մեր շղթաներից դուրս ենք եկել արդեն՝ արդեն վաղուց 20 տարի, բոլոր ընտրված նախագահների օրոք: Շղթաները, բանտը ձերն է, հայրենիքը՝ մերը», -ասաց նա՝ ավելացնելով, որ
հայ ժողովուրդը 9-10 օր առաջ հարություն առավ:
Դիմելով Բարաք Օբամային, Բարոոզոյին՝ ասելով՝ « դուք դարձի եք գալու ու գալու եք հրապարակ՝ ժողովրդին շնորհավորելու:
Հրապարակում պարբերաբար վանկարկում են «Սերժիկ հեռացիր»
«Ոչ մեկը՝ Եվրոպա, Ամն, մեր ժողովրդի ինքնության հետ խաղ չտան, մենք մեր իրավունքի տերը պետք է դառնանք», -ասաց նա:
Րաֆֆի Հովհաննիսյանը կոչ արեց
կանգնել ուղիղ, բարձր, արժանապատիվ, շիտակ թիկունքով, մենք էլ կարող ենք, ասել բարև Հայաստան, բայց ասել, որ մենք ձեր ստրուկը չենք, մենք ունենք օրենք»,-ասաց Րաֆֆի Հովհաննիսյանը՝ ժամը 18:00-ին Սերժ Սարգսյանին, վեհափառ հայրապետին կոչ անելով միանալ ժողովրդին:
Դիմելով հանրությանը՝ ասաց. «Նստում եք տանը, սպասում, որ Րաֆֆին ինչ- որ բան կանի, բայց Րաֆֆին չի անելու, դուք եք անելու»:
