Մեքսիկացի ոստիկանները որոշել են գրավել երեխաների վստահությունը ու դառնալ նրանց բարի ընկերները՝ սկսելով անսովոր փորձ: Իրենց հանգստյան օրերին նրանք հագնում են ծաղրածուի հագուստ՝ երեխաների մոտ հարուցելով անկեղծ հետաքրքրություն:
«Գրավիր երեխաների սրտերը» օպերացիային ոստիկանները պատրաստվել էին ինչպես հարկն է. «զինվել են» փուչիկներից պատրաստված կենդանիներով, օճառե պղպջակներով, մտածել են թիմային խաղեր՝ երեխաներին զվարճացնելու համար: Երեխաներն, իհարկե, գիտեն՝ իրենց առջև ոչ թե հասարակ ծաղրածուներ են, այլ իսկական իրավապահներ՝ ծաղրածուի հագուստի տակ առկա են ոստիկանական համազգեստի տարրեր:
Այդ ակցիայով ոստիկանները ցանկանում են դեպի իրենց գրավել դպրոցականներին, օգնել նրանց՝ նախապատվությունը տալու իրավապահներին՝ կրիմինալի փոխարեն: Այս մասին հաղորդում է ITAR-TASS-ը:
