Եվրամիությունում և առաջին հերթին եվրոգոտում նկատվում է 100 դոլարանոց թղթադրամների մեծ պահանջարկ՝ հաղորդում է The Financial Times բրիտանական թերթը:
«2008թ. սկսած (գլոբալ ֆինանսական ճգնաժամի սկզիբ)՝ երբեք 100 դոլարանոց թղթադրամները Եվրոպայում այսքան մեծ հետաքրքրություն չեն վայելել»,- նշում է պարբերականը:
Թերթի կարծիքով՝ դա վկայում է այն մասին, որ ամերիկյան դոլարը պահպանում է համաշխարհային առաջատար պահուստային արժույթի իր կարգավիճակը:
«Վերջին հինգ տարիներին շրջանառության մեջ գտնվող կանխիկ դոլարների քանակը մեծացել է 48%-ով: Առաջին հերթին դա Եվրամիության երկրներում կայուն պահանջարկ ունենալու արդյունք է»,- հստակեցնում է պարբերականը:
Հաղորդվում է, որ ներկա պահին երկրագնդի տնտեսություններում կանխիկ դոլարի ծավալը հասնում է 1.175 տրիլիոն դոլարի կամ ԱՄՆ-ի ազգային պարտքի 1/10 մասին: Կանխիկ դոլարների 2/3-ը գտնվում է ԱՄՆ-ի սահմաններից դուրս:
Պարբերականը նշում է, որ Վաշինգտոնը արտաքին աշխարհից տարեկան ստանում է 19 միլիարդ դոլար՝ որպես «անվճար նվեր»:
