Մոսկվայի քաղաքական կուրսը Մերձդնեստրի հակամարտության հարցում ակնհայտորեն փոխվում է: Այս մասին հայտարարել է չճանաչված Մերձդնեստրի Հանրապետության նախագահ Իգոր Սմիռնովը Կրեմլում բանակցություններից հետո: Այնուամենայնիվ, նա նշել է, թե իրեն հավաստիացրել են, որ Մոսկվան չի պատրաստվում հանձնել տարածաշրջանը, ավելին՝ Մոսկվան պատրաստվում է ակտիվորեն պաշտպանել Մերձդնեստրում բնակվող Ռուսաստանի քաղաքացիների շահերը: Սմիռնովը նշել է, որ Ռուսաստնը կմիջամտի, եթե հանկարծ Մոլդովայի իշխանությունենրը որոշեն Մերձդնեստրի հակամարտությունը լուծել ուժով:
Մերձդնեստրը 20 տարի շարունակ ղեկավարող Սմիռնովից բացի, Ռուսաստանում ընդունել են նաև Մերձդնեստրի խորհրդարանի խոսնակ և ամենախոշոր պատգամավորական խմբակցության ղեկավար Անատոլի Կամինսկուն: Վերջինս ներկայացնում է Մերձդնեստրի գործարար շրջանների շահերը և հակված է զիջումների գնալ Քիշնևի հետ բանակցություներում: Քիշնևում հայտարարում են, որ խնդիրը 20 տարի շարունակ չփոխվող Մերձդնեստրի նախագահն է, այն դեպքում, երբ Մոլդովայում արդեն 5 անգամ իշխանությունը փոխվել է: Մոլդովայի իշխանության որոշ ներկայացուցիչների կարծիքով` Սմիռնովի փոփոխության դեպքում Մերձդնեստրը ինքնակամ կվեադառնա Մոլդովայի կազմ:
Դեկտեմբերին Մերձդնեստրում տեղի են ունենալու նախագահական ընտրություններ, և որոշ փորձագետներ ենթադրում են, որ Մերձդնեստրի նախագահին շարունակում է պաշտպանել ՌԴ նախագահ Դմիտրի Մեդվեդևը, իսկ բիզնես շահերը ներկայացնող Կամինսկուն` «Единая Россия»-ն` Պուտինի գլխավորությամբ: Պատահական չէ, որ Պետդումայում հանդիպումների ժամանակ Կամինսկուն ներկայացրել են որպես «Մերձդնեստրի լիդեր»:
Մոլդովայի փորձագետները, սակայն, չեն բացառում, որ Ռուսաստանը պահում է Կամինսկուն` որպես ԵՄ հետ բանակցություններում փոխզիջումների գնալու տարբերակ, սակայն այդ բանակցությունների ձախողման դեպքում կշարունակի աջակցել գործող նախագահ Սմիռնովին:
